Gedrukte media

Onderstaand bericht verscheen onlangs in een drietal Zuid-Afrikaanse kranten (Beeld, Volksblad en die Burger). Dat dit projekt ook in Zuid-Afrika goed ontvangen wordt valt te lezen in ons Gastenboek en uit de belangstelling voor onze nieuwsbrief.

Koos Doep-koors tref Nederland 25 j. ná sy dood

Jun 16 2009  (SA)

Philip de Bruin

Meer as 25 jaar ná die dood van die sanger Koos du Plessis in ’n motorongeluk het Koos Doep-koors Nederland getref.

’n CD met vertaalde werke van Du Plessis en ’n konserttoer waarin van Nederland se bekendste sangers die werke gaan vertolk, is reeds in volle gang.

“Het project Koos du Plessis” het ontstaan toe mnr. Martin Smit van Gro-ningen, wat ’n besondere voorliefde vir Afrikaanse musiek het en in die musiekbedryf betrokke is, na musiek van Gert Vlok Nel geluister het. Hy wou meer weet oor Nel se “inspirasiebronne” en het toe só op musiek van Du Plessis afgekom.

“Ik kon niet stoppen met het luisteren naar zijn teksten en ontdekte hoe elk nummer op zich uniek is,” sê Smit.

Hy het Klaas Spekken en Wia Buze, twee Nederlandse sangers, genader met die idee van ’n Projek Koos du Plessis. Toe die twee sangers eers na Du Plessis se werke geluister het, was daar geen keer aan hulle nie. Hulle het CD’s, waaraan hulle self toe gewerk het, net so laat vaar om aan die Du Plessis-projek deel te neem.

Uiteindelik is daar nou ’n amptelike webwerf vir die projek – www.koosduplessis.nl – en is die maak van ’n Nederlandse Koos du Plessis-CD ver gevorder. Dit word vroeg volgende jaar uitgereik. Ná die uitreiking van die CD volg ’n aantal konserte, waarvan drie reeds amptelik oop is vir besprekings.

Dié konserte is op 10 April in Het Boschhuis in Ter Apel, op 17 April in die Cultureel Centrum in Valthermond en op 21 April in die Theater Geert Teis in die Stadskanaal.

Du Plessis se dogter, die sangeres Karla du Plessis, is ook by die projek betrokke en gaan volgens Smit die bekendstelling van die CD bywoon.

Maandblad Zuid-Afrika mei 2009